Tuesday, April 11, 2006

ஜகஜ்ஜால கில்லாடிகள் -Part II

ஷிவேந்திர சிங் துங்கர்பூர் (ஷிவி) ஒரு ராஜ்புத்.என்னடா பேரு ரொம்ப கேட்ட மாதிரி இருக்கேன்னு யோசிக்கிறீங்களா? இவரு ராஜ்சிங் துங்கர்பூரோட nephew. ஷிவி, டூன் ஸ்கூல் alumni. புனே ஃபிலிம் இன்ஸ்டிட்யூட்டுல [FTII] படிச்சுட்டு, பாடலாசிரியர், இயக்குனர் குல்ஜார்கிட்ட அசிஸ்டென்டா இருந்துட்டு சொந்த படம் இயக்க இருந்தாரு.பாதி ஷூட்டிங் முடிஞ்ச நிலைல, ப்ரொட்யூசர் பணத்தட்டுப்பாட்டுனால படம் நின்னுபோச்சு. ஃபிலிம் இன்டஸ்ட்ரியோட loss. அட்வர்டைசிங்கோட gain. இவரு விளம்பரப்பட இயக்க ஆரம்பிச்சுட்டாரு.
இவர அட்வர்டைசிங் இண்டஸ்ட்ரீ அடையாளங் கண்டுகிட்டது விம் பார் விளம்பரப் படம் மூலமாதான்.முதலிரவு அன்னிக்கு ஒரு young couple முதல் மாடியில இருக்கற அவங்க ரூமுல ஜல்சாவா இருக்கலாமுன்னு பாத்தா, அப்ப பாத்து நம்ம காமெடியன் (ராஜ்பால் யாதவ்) கீழ செங்கலயும் பொடியயும் யூஸ் பண்ணி 'கொர் கொர்'னு சத்தம் வர பெரிய அண்டா குண்டாவெல்லாம் தேச்சிகிட்டு இருக்காரு. இந்த சத்தத்தால எரிச்சலடைஞ்ச கல்யாண பொண்ணு ஒரு விம் பார அவன் மேல தூக்கி போடறா. அடுத்த ஷாட்டுல அந்த புதுமணத் தம்பதி ஒருத்தர ஒருத்தர் நிம்மதி கலந்த அன்போட பாக்க, அந்த நிம்மதி is shortlived.நம்ம காமெடியன் , விம்மால பாத்திரத்தையெல்லாம் துலக்கிட்டு, அதே சந்தோஷத்தோட பெரிய வாணலியில தாளம் போட்டுகிட்டே, உரத்த குரல்ல பாட ஆரம்பிக்குறாரு.
ஷிவியோட ப்ளஸ் பாயிண்ட் அவரோட casting. அப்புறம், நிறைய அட்வர்டைசிங் இயக்குனர்கள்கிட்ட பாக்கமுடியாத temper. சாந்த சொரூபி. அனாவசிய கத்தல் (read:கெட்ட வார்த்தை) கிடையாது. இந்த மாதிரி நல்ல temperன்னாலே குழந்தைங்ககிட்ட ஈஸியா வேலை வாங்க முடியும்.
சர்ஃப் ப்ளூவுல [ரெட்ட ரெட்டா வைக்கறதுக்கு ப்ளூ...] வர்ற குண்டு க்யூட் பையன டைரக்ட் செஞ்சது ஷிவிதான். ரொம்ப ஓவர் ஆக்ட் பண்ணாம இயல்பா பண்ணிருப்பான் பையன்.
ஒரு போர்டிங் ஸ்கூல்ல தங்களோட ஸ்கூல் நாட்கள அசை போடும் நாப்பது வயது மிக்க மூணு ஃப்ரெண்ட்ஸ். அதுல ரெண்டு ஆண்கள் "சின்ன வயசுல என் டிபன் பாக்ஸ்ல இருந்த க்ராக் ஜாக் பிஸ்கட்ட நீதான் திருடுன, நீதான் திருடுன-ன்னு ஒருத்தர ஒருத்தர் accuse பண்ண, இதையெல்லம் பாத்துகிட்டு இருக்கற அவங்க க்ரூப்புல இருக்கற அந்த பொண்ணு , "நான் டிபனே கொண்டு வர மாட்டேன்.. அதுக்கு அவசியமே இருக்கல "ன்னு கூலா சொல்றா. அந்த ரெண்டு பாய்ஸோட க்ராக் ஜாக் பிஸ்கட்டயும் அவதான் திருடி சாப்பிட்டுகிட்டு இருந்தான்னு தெரிய வருது. கிட்டு கித்வானி, அந்த பொண்ணா ரொம்ப அருமையா நடிச்சு இருப்பாங்க. இந்த இயல்பான விளம்பர இயக்கினது ஷிவி.
இப்ப Air-ல வந்துகிட்டு இருக்கற இந்தியாவின் பற்பல கல்ர்ஸ யெல்லாம் காட்டும் வீல் கமர்ஷியல்.ஆஹா! அந்த கலரயெல்லாம் படம் பண்ணவிதத்துக்காகவே ஷிவிக்கு ஒரு ஷொட்டு!
க்ரீன் ப்ளை ப்ளைவுட்..ஊஹும்! அந்த சர்தார்ஜி பையன் விளம்பரம் இல்ல.இது புதுசு. ஒரு க்ளாஸ் ரூமுல வெறும் பெஞ்சுகளோட ஒரு ஸ்கூல் பையன் நின்னுகிட்டு இருக்கான். Voice-over [VO] சொல்லுது "ஸ்கூல்ல பெஞ்சுகளோட எண்ணிக்கை அதிகமாக அதிகமாக, காலேஜுல சீட்டுகளும் அதிகமாகுது" . ஒரு காலேஜ் பையனோட ஷாட்டை பாக்கறோம். அடுத்தடுத்த ஷாட்டுகள்ள ஆபீஸ், வீடு, ரெஸ்டாரண்டு, பாங்க்-ன்னு பாக்கறோம்.VO continues "ஆபீஸுகள்ள டிபார்ட்மென்ட்ஸ் அதிகமாகுது...கல்யாணம், வீடு எல்லாத்துலயும் ஃபர்னிச்சர் அதிகமாகுது...ரெஸ்டாரன்டுல இன்டீரியர்ஸ், பாங்குல கவுண்டர்ஸ் ஜாஸ்தியாகுது.. இப்படி அதிகமாக அதிகமாக, எவ்வளவோ எதிர்பார்புகளும் அதிகமாகுது... ஸ்கூல்ல பெஞ்சுகள் அதிகமாக, இந்தியாவோட நாங்களும் சோர்ந்து உயர்ரோம்..க்ரீன்ப்ளை இண்டஸ்ட்ரீஸ்-இந்தியாவின் மிகப்பெரிய இன்டீரியர் இன்ஃப்ராஸ்ட்ரக்சர் கம்பெனி" ன்னு படம் முடியுது. மோன் டாஜ் ஷாட்டுகளின் முடிசூடா மன்னர் ஷிவிதான்!
ம்ம்ம்...க்ரீன் ப்ளைன்னதுமே நம்ம series-ல அடுத்தது யாருன்னு தெரிஞ்சிருக்கும்..காத்திருங்க !

3 Responses:

Boston Bala said...

தெரியலை... இருந்தாலும் காத்திருக்கிறேன் :-)

ambi said...

yekka, Your postings are very informative... and the narration is also crispy.
for the past 5 months, i've no chance to watch TV and hence the Ads. U r filling the gap.
usually i've an opinion that most of the home makers used to watch serials like kolangal, blah.. blahs..
But u r exceptional.
Great, go ahead. (went for a summer trip..? y long absent?)

Anonymous said...

you have nice flow in writings